,,ნაცმოძრაობა" პრეზიდენტ გიორგი მარგველაშვილს უკანონო მოსმენებთან დაკავშირებით უშიშროების საბჭოს სხდომის მოწვევისკენ მოუწოდებს. ამის შესახებ, პარტიის ოფისში გამართულ პრესკონფერენციაზე ,,ნაციონალური მოძრაობის" წევრმა ნუგზარ წიკალაურმა განაცხადა.
,,პარლამენტის თავმჯდომარის, თავდაცვის მინისტრის, უშიშროების საბჭოს მდივნის საუბრის უკანონო მოსმენა და თავისუფალ ცირკულაციაში მოქცევა ადასტურებს, რომ საქმე გვაქვს სახელმწიფო ინსტიტუტების გადაგვარებასა და მოშლასთან, რაც პირდაპირ უკავშირდება ეროვნული უსაფრთხოების საკითხს. ყოველივე ზემოთქმულიდან გამომდინარე ,,ერთიანი ნაციონალური მოძრაობა" პრეზიდენტს მოუწოდებს მოუწვიოს უშიშროების საბჭოს სხდომა, სადაც განხილული იქნება უკანონო მოსმენებთან დაკავშირებული საკითხები" _განაცხადა წიკლაურმა.
