საპარლამენტო უმრავლესობის წევრი დავით ლორთქიფანიძე ყოფილ ხელისუფლებას სახელმწიფო ქონების გაფლანგვაში ადანაშაულებს.
მისი განცხადებით, ვანის არქეოლოგიური მუზეუმის რეაბილიტაციისთვის გამოყოფილი თანხა არარაციონალურად დაიხარჯა.
როგორც პარლამენტარმა დღევანდელ პრესკონფერენციაზე ის განაცხადა, მშენებლობისთვის 7 მილიონი ლარი გამოიყო, თუმცა სამუშაოზე მხოლოდ 200 ათასი ლარი დაიხარჯა. დეპუტატი აღნიშნული საქმის გამოძიებას მოითხოვს.
"მუზეუმის რეაბილიტაცია არ ითვალისიწინებდა შენობის სახურავის მოხსნას, მაგარმ 2012 წლის წინასაარჩევნო პერიოდში მაშინდელი პრეზიდენტი მიხეილ სააკაშვილი ჩავიდა ვანში მორიგ პიარ-აქციაზე, დემონსტრაციულად მოახსნევინა სახურავი და დაიწყო შენობის ნგრევა. მუზეუმი ერთი ზამთრის განმავლობაში წვიმისა და თოვლის ქვეშ აღმოჩნდა, რის შედეგადაც 5 სართულანი შენობა თითქმის დაინგრა", -განაცხადა პარლამენტარმა.
