შემიძლია ამაყად ვთქვა რომ დღეს მოსახლეობას პოლიციის აღარ ეშინია. ამის შესახებ განცხადება პრემიერმა, ირაკლი ღარიბაშვილმა ინგა გრიგოლიას თოქ-შოუ "რეაქციაში" გააკეთა.
"როდესაც მოვედით ხელისუფლებაში, მთავარი დანაპირები იყო, რომ მოსახლეობას დავუბრუნებდით თავისუფლებას. მთავარი მონაპოვარი არის ის, რომ დღეს საქართველოს თითოეული მოქალაქე არის დაცული და თავისუფალი. უზენაესი სასამართლოს თავმჯდომარის, კონსტანტინე კუბლაშვილის განცხადებით, სასამართლო დღეს ისეთი დამოუკიდებელია, როგორც არასდროს. ჩვენ დავამტკიცეთ ჩვენი საქმით, რომ არასდროს ჩავრეულვართ და არ ჩავერევით სასამართლოს ფუნქციონირებაში და გადაწყვეტილებაში. ჩვენ სასამართლო გავათავისუფლეთ პოლიტიკური ზეწოლისგან. მიმაჩნია, რომ თუ ჩვენ გვაქვს პრეტენზია ავაშენოთ სამართლიანი სახელმწიფო, უნდა დავიწყოთ თავისუფალი, დამოუკიდებელი სასამართლოს მშენებლობით", - აცხადებს პრემიერი.
მასალის გამოყენების პირობები
