უკრაინა არ არის წინააღმდეგი გაეროს ძალებთან ერთად უკრაინის აღმოსავლეთ ნაწილში ანტიტერორისტული ოპერაცია ჩაატაროს. განცხადება ამის შესახებ უკრაინის პრეზიდენტის მოვალეობის შემსრულებელმა ალექსანდრე ტურჩინოვმა გაეროს გემნერალურ მდივანთა პან გი მუნთან გამართული სატელეფონო საუბრის დროს გააკეთა. ინფორმაციას ამის შესახებ უმაღლესი რადას პრესსამსახური ავრცელებს.
კერძოდ, გავრცელებული ინფორმაციით, სატელეფონო საუბრის დროს მხარეებმა უკრაინის აღმოსავლეთ ნაწილში შექმნილი მდგომარეობა განიხილეს.
ტურჩინოვის განცხადებით, უკრაინის აღმოსავლეთ ნაწილში - დონეცკისა და ლუგანსკის ოლქებში რუსეთი იმეორებს სოწრედ იმ სცენარს რომელიც ყირიმში განახორციელა.
„რუსეთის ფედერაცია ჩვენი ქვეყნის აღმოსავლეთში აგზავნის სპეცდანაყოფებს, რომლებიც ხელში იგდებენ ადმინისტრაციულ შენობებს და ასობით ათას ჩვენი თანამოქალაქის სიცოცხლეს საფრთხეს უქმნის",_ განაცხადა მან.
მისივე თქმით, ახლა დაწყებულია ფართომასშტაბიანი ანტიტერორისტული ოპერაცია, ქვეყნის მოსახლეობის დასაცავად.
ამას გარდა, მისათვის რათა საერთაშორისო საზოგადოებამ დაადასტუროს უკრაინელი სამართალდამცავების მართლზომიერი მოქმედებები ანტიტერორისტული ოპერაციის დროს, ტურჩინოვმა გარეოს გენერალურ მდივანს შესთავაზა გაეროს სამშვიდობო ძალებთან ერთად ერთობლივი ოპერაციის ჩატარება.
„ჩვენ არ ვიქნებით წინააღმდეგი და მივესალმებით კიდეც თუ იქნება ჩატარებული ერთობლივი ანტიტერორისტული ოპერაცია აღმოსავლეთში. მაშინ სპეციალისტები და დამკვირვბლები თავად შეძლებენ ჩვენი მოქმედებების ლეგიტიმურობისა და მართლზონიერების შემოწმებას",_ განაცხადა ტურჩინოვმა.
