სეზონზე ორივე მიმართულებით ფრენების ღირებულება 25-28 ათასი რუბლია. რუსული მედიის ინფორმაციით, სწორედ ეს ფაქტი არის საქართველო-რუსეთს შორის ტურიზმის განვითარების ხელისშემშლელი პირობა.
შეგახსენებთ, რომ დღეისავის საქართველოში ორი რუსული ავიაგადამზიდავი:"სიბირი" (S7) და „ურალის ავიახაზები" უკვე დაფრინავს. იმავდროულად ორ ქვეყანას შორის ფრენებს ახორციელებს ასევე ქართული ავიაკომპანია „Georgian Airways"-ი ("აირზენა"). აღნიშნული ავიაკომპანიები რუსეთ-საქართველოს შორის ჩარტერულ ავიარეისებს ასრულებენ. როგორც ცნობილია ორ ქვეყანას შორის რეგულარული ფრენები 2018 წლის აგვისტოს მოვლენების შემდეგ შეწყდა, როდესაც რუსეთმა ქართული ტერიტორიების ოკუპაციის მორიგი ტალღა განახორციელა. დღეისათვის კი მოსკოვიდან და ეკატერინბურგიდან ფრენები თბილისის, ბათუმისა და ქუთაისის მიმართულებით ხორციელდება.
შეგახსენებთ, რომ ცოტახნის უკან რუსული მედია ავრცელებდა ინფორმაციას, რომ რუსული ავიაკომპანია Aeroflot-ი მოსკოვი-თბილისის ავიარეისზე რეგულარულ ფრენებს გეგმავდა. კომპანიამ აღნიშნული მიმართულებით მოლაპარაკებებიც კი აწარმოა ქართულ მხარესთან.