უკრაინა მასობრივი შემოჭრის საფრთხის წინაშე დგას. მის საზღვართან რუსეთის ფედერაციის შეიარაღებული ძალების 80 ათასზე მეტი პირადი შემადგენლობა დგას. განცხადება ამის შესახებ უკრაინის თავდაცვისა და უშიშროების საბჭოს ხელმძღვანელმა ანდრეი პარუბიიმ გააკეთა.
მისი თქმით, უკრაინის საზღვართან „რუსეთის ფედერაციის შეიარაღებული ძალების დაჯგუფება იმყოფება, მათ შორის რეზერვი. ამ დაჯგუფებებში 80 ათასზე მეტი პირადი შემადგენლობა შედის. იქვეა 270 მდე ტანკი და 180 მდე ჯავშანმანქანა, 380 -არტსისტემა, რექტიული და ზალპური ცეცხლის 18 დანადგარი, 140 მდე საბრძოლო ვერტმფრენი, 90-მდე ავიაგამანადგურებელი და 19 საბრძოლო კატერი და გემი",_ განაცხადა პარუბიიმ და აღნიშნა: „ეს დაჯუფება უშუალოდ უკრაინის საზღვართან იმყოფება, კიევამდე რამდენიმე საათის სავალზე",_ აცხადებს უკრაინის თავდაცვისა და უშიშროების საბჭოს ხელმძღვანელი.
მისივე ინფორმაციით, ამგვარი დაჯგუფებები იმყოფება აღმოსავლეთ სლობოდსკის მიმართულებით, სამხრეთ დონეცკის მიმართულებით კრასნოდარის მხარის ზაპოროჟსკოეს მიმართულებით ასევე დნესტრიპირეთის რესპუბლიკაში.
პარუბიიმ აღნიშნა, რომ უკრაინის შეიარაღებული ძალები სრულ საბრძოლო მზადყოფნაში არიან მოყვანილნი.