თბილისში ძლიერი ყინვისა და თოვლის გამო 65 სამაშველო გამოძახება დაფიქსირდა. როგორც ,,ჯი-ეიჩ-ენს" თბილისის საგანგებო სიტუაციების მართვის სამსახურში განუცხადეს არც ერთი შემთხვევის დროს არავინ დაშავებულა.
,,გასული 24 საათის განმავლობაში სულ დაფიქსირდა 65 სამაშველო გამოძახება, აქედან 22 მათგანი გზის სავალი ნაწილიდან მოცურების შედეგად ავტომანქანის ამოყვანა იყო, სამი გამოძახება კი ყინულის ლოლოების ჩამოყრის გამო დაფიქსირდა, რაც შეეხება დანარჩენ გამოძახებას სამაშველო ბრიგადების დახმარება ჩაკეტილი კარის გაღებისთვის დასჭირდათ", _განუცხადეს ,,ჯი-ეიჩ-ენს" თბილისის სამაშველო სამსახურში.
