განათლების მინისტრთან თამარ სანიკიძესთან შეხვედრის შემდეგ მანდატურები საპროტესტო აქციებს წყვეტენ. როგორც შეხვედრის შემდეგ მანდატურებმა განაცხადეს მათ განათლების მინისტრისგან პირობა მიიღეს, რომ მათი სამსახური არ გაუქმდება.
,,მანდატურის სამსახური ჩვეულებრივად რჩება. უბრალოდ დირექტორი იქნება დამაკავშირებელი რგოლი მანდატურის სამსახურსა და სკოლას შორის. მაშ შეუძლია დანიშნოს და გაათავისუფლოს მანდატური. რაც შეეხება ჩვენს ხელფას, არც ამ კუთხით გვექნება პრობლემები", -განაცხადა ჟურნალისტებთან მანდატურმა ნინო ქოჩორაშვილმა.
შეგახსენებთ, რომ უკვე მეორე დღეა რაც მანდატურის სამსახურის წარმომადგენლები საპროტესტო აქციას მართავდნენ. ისინი კანონში შესულ ცვლილებებს აპროტესტებნენ, რომლის თანახმად, მანდატურების სამსახური საჯარო სკოლის დირექტორს დაექვემდებარება.
აქციის მონაწილეები აცხადებდნენ, რომ არსებობს საფრთხე რომ ისინი სამსახურის გარეშე დარჩებოდნენ.
