პრეზიდენტი გიორგი მარგველაშვილი მიიჩნევს, რომ მანდატურების ინსტიტუტი სასკოლო სისტემისთვის სასარგებლოა, რადგან ის სკოლაში მართლწესრიგის დამცავი სტრუქტურა გახდა.
,,წინა ხელისუფლების დროს მანდატურის ინსტიტუტი წარმოადგენდა იმ ძირითად ბერკეტს, როცა ხელისუფლება რკინის ხელით მართავდა სკოლებს. ჩვენ ეს პირველსავე წელს შევცვალეთ და მანდატურის ინსტიტუტი სკოლაში მართლწესრიგის დამცავი სტრუქტურა გახდა. ამას გეუბნებით ჩემი მუშაობის დროს. მე რამდენადაც ინფორმირებული ვარ, ახლა ეს სისტემა კიდევ უფრო სიღრმეში წავიდა და მანდატურის ინსტიტუტი კიდევ უფრო მოქნილი სტრუქტურა გახდა, რომლის ფარგლებშიც ფსიქოლოგიური სამსახური, ბავშვების დახმარებაა გათვალისწინებული, ანუ დღეს ეს ინსტიტუტი არ მოგვაგონებს დიმიტრი შაშკინის დროინდელ სისტემას, რომლის პირობებშიც ეს სკოლისა და მასწავლებლის ტერორის სტრუქტურა იყო. შესაბამისად, ჩემი პოზიცია, როგორც არა პრეზიდენტის, არამედ როგორც განათლების წინა მინისტრისა, არის ის, რომ ეს ინსტიტუტი სასკოლო სისტემისთვის სასარგებლოა", - განაცხადა მარგველაშვილმა.