მსოფლიო ბანკი მსოფლიოს ქვეყნებში ბიზნესის წარმოების შეფასების რეიტინგის - Doing Business-ის შედგენის მეთოდიკის გადახედვას განიხილავს. "რეიტინგის მეთოდიკის შედგენის გადახედვა შესაძლებელია. კერძოდ ამჟამად რეიტინგი ორიენტირებულია მსხვილ ქალაქებში ბიზნესგარემოს შეფასებით. ძირითადად ეს ქალაქები ქვეყნის დედაქალაქები, ან სამრეწველო ცენტრებია და არის შესაძლებლობა, რომ ეს არეალი გაიზარდოს",- განაცხადა მსოფლიო ბანკის გლობალური ინდიკაციებისა და ანალიტიკის დეპარტამენტის უფროსმა ავგუსტო ლოპეს კარლოსმა.
მისივე განმარტებით, რეიტინგს აქვს სხვა მინუსებიც, მაგალითად ევროპის ერთ-ერთ ქვეყანაში საკუთრების რეგისტრაციის ვადები გარკვეულ პრობლემებს უკავშირდება, მაგრამ ამ ქვეყანაში საკუთრება ყველაზე მაქსიმალურადაა დაცული.
„მაშინ, როდესაც რეიტინგის შედგენისას საკუთრების დაცულობის გათვალისწინება არ ხდება. ასევე არის სხვა ცალკეული საკითხები რისი გათვალისწინებაც სრულყოფილი რეიტინგის შედგენისთვის აუცილებელი იქნება"- განაცხადა მსოფლიო ბანკის ანალიტიკოსმა.
