პატიმრების მორიგი შეწყალება ნათლისღების დღესასწაულზე იგეგმება. როგორც საკითხის კომენტირებისას შეწყალების კომისიის თავმჯდომარემ ალეკო ელისაშვილმა ,,ჯი-ეიჩ-ენთან" საუბარში განაცხადა უკვე მიმართა პრეზიდენტს კომისიის სხდომის მოწვევის შესახებ.
,, პატიმრების შეწყალება, სავარაუდოდ, ნათლისღებისთვის მოხდება. უკვე დავწერეთ პრეზიდენტის სახელზე განცხადება კომისიის სხდომის მოწვევის შესახებ და დღის განმავლობაში ველოდები პასუხს შეწყალების კომისიის სხდომის დანიშვნის თაობაზე", _განაცხადა ელისაშვილმა.
მისივე განცხადებით, შეწყალების კომისია 250-მდე მსჯავრდებულის საქმეს განიხილავს.
,, შემოსული განცხადებებიდან კრიტერიუმებს შეესაბამებოდა 250-მდე პატიმრის საქმე და ამ საქმეებიდან გამომდინარე ვიმსჯელებთ", _განაცხადა ,,ჯი-ეიჩ-ენთან" საუბარში ელისაშვილმა.