ყოფილი პრემიერ-მინისტრის ზურაბ ჟვანიას სახელობის ფონდი დაფუძნდა. პრეზენტაციას დამფუძნებლები და ყოფილი პრემიერ-მინისტრის ოჯახის წევრები დაესწრნენ.
მათი განცხადებით, ფონდის შექმნის მიზანი საქართველოში დემოკრატიული პროცესების ხელშეწყობა და ადამიანის უფლებების დაცვაა.
მისი ერთ-ერთი ფუნქცია ზურაბ ჟვანიას ინტელექტუალური და მატერიალური მემკვიდრეობის მოვლა-პატრონობა, წიგნების გამოცემა და გავრცელება იქნება.
ფონდი კულტურული და საგანმანათლებლო მიმართულებითაც იმუშავებს და სტუდენტებისთვის პრემიებსა და სტიპენდიებს გასცემს.