სამგორის რაიონის სოფ. ნასაგურში წყალმომარაგების სისტემის მონტაჟი მიმდინარეობს,რაც 450-მდე ოჯახს წყლის მიწოდების პრობლემას მოუგვარებს. სარემონტო სამუშაოებს თბილისის მერია აფინანსებს, თუმცა საკრებულოს უმრავლესობის მიერ, მიღებული გადაწყვეტილების შემდეგ, შესაძლოა წყლის სისტემის სარეაბილიტაციო სამუშაოები შეფერხდეს. მას შემდეგ, რაც საკრებულოს მმართველმა პარტიამ თბილისის 2014 წლის ბიუჯეტი არ დაამტკიცა, ერთ-ერთ არგუმენტად, სწორედ შემოერთებულ ტერიტორიებზე მიმდინარე სამუშაოებისთვის გამოყოფილი თანხა დაასახელა. დედაქალაქის მთავრობას ამ ტერიტორიაზე წყალმომარაგების სისტემის მონტაჟისთვის ბიუჯეტში 13 მილიონი ლარი ჰქონდა გათავლისწინებული, რის შედეგადაც 5 000 ოჯახი წყალს შუფერხებლად მიიღებდა. მიმდინარე სარეაბილიტაციო სამუშაოები დღეს, თბილისის მერის მოადგილემ ირაკლი აბესაძემ დაათვალიერა.