ხვალ, 11 იანვარს, 13:30 საათზე, სახელმწიფო კანცელარიასთან, საყდრისის ისტორიული საბადოსთვის ძეგლის სტატუსის აღდგენის მოთხოვნით, აქცია გაიმართება. ამის შესახებ ვაკეში RMG gold-ის ოფისთან გამართულ აქციაზე "გრინფისის" მხარდამჭერთა ჯგუფის ხელმძღვანელმა ლაშა ჩხარტიშვილმა განაცხადა.
დღეს, RMG gold-ის ოფისთან გამართულ აქციაში 30-მდე პირი - მეცნიერები, საზოგადოების წარმომადგენლები, არასამთავრობო ორგანიზაცია "მწვანე მუშტის" და "ძეგლის მეგობრის" სტუდენტები მონაწილეობდნენ.
ისინი მოითხოვდნენ საყდრისის ნგრევის შეწყვეტას და ხელისუფლებას უმოქმედობაში ადანაშაულებდნენ.
აქციის მონაწილეებმა კომპანიის ხელმძღვანელობას მოუწოდეს შეწყვიტოს ისტორიულ ოქროს საბადოზე სამუშაოების განხორცილება.