,,ვარდების მოედნიდან" საშობაო ალილოს მსვლელობის მონაწილეებს პარლამენტის ყოფილ შენობასთან პარალმენტის თავმჯდომარე დავით უსუფაშვილი და დეპუტატები დახვდნენ, შობა მიულოცეს და საჩუქრები გადასცეს.
,,ყველას გვიხარია შობის დადგომა, ახალი წელი, რადგან დარწმუნებული ვართ, ახალი წელი, ახალ კარგ ამბებს მოიტანს ყველას ოჯახში და ყველა სურვილს შეგვისრულებს. ამისათვის, ჩვენც უნდა გავისარჯოთ. ჩვენც, ჩვენი მხრივ გპირებით, რომ ვიმუშავებთ და ჩვენს საქმეს გავაკეთებთ. ზოგადად პარლამენტი აწესებს მოქალაქეებისათვის გადასახადებს და ახლა ჩვენ ჩვენი წვლილი გავიღეთ და დავასაჩუქრეთ ჩვენი პატარა მოქალაქეები", _განაცხადა უსუფაშვილმა.
ალილოს მსვლელობა სამების საკათედრო ტაძარში დასრულდება, სადაც მეალილოვეებს სრულიად საქართველოს კათოლიკოს პატრიარქი უწმინდესი და უნეტარესი ილია მეორე დახვდება და დალოცავს.