ახალი ამბების სააგენტო GHN გილოცავთ 2014 წელს! ფეხბედნიერი ყოფილიყოს ახალი წელი სრულიად საქართველოსა და მისი თითოეული მოქალაქისთვის. მსოფლიოში მცხოვრები ყველა იმ ადამიანისთვის, რომლებიც საკუთარ თავს საქართველოს მეგობრებად და გულშემატკივრად მიიჩნევენ.
გამარჯვებები და წარმატებები დაგბედებოდეთ ჩვენი ქვეყნის საკეთილდღეოდ.
2013 წელი ჩვენთვის განსაკუთრებით გამორჩეული იყო. GHN ევროპის ახალი ამბების სააგენტოების ასოციაციის სრულუფლებიანი წევრი გახდა. ჩვენ დავიმკვიდრეთ ადგილი ევროპის წამყვან საინფორმაციო საშუალებების ოჯახში.
2013 წლის 4 სექტემბერს მედიასახლმა „ჯი-ეიჩ-ენმა" გამოსცა ყველაზე რესპექტაბელური და აკადემიური, ევროპული სტილის გაზეთი - „პრემიერი", რომელიც ყველა თაობის მკითხველის გემოვნებას აკმაყოფილებს.
2013 წელს, ისევე როგორც ყოველთვის, ვცდილობდით ვყოფილიყავით იქ, სადაც ჩვენი ქვვეყნისთვის მნიშვნელოვანი ამბები ხდებოდა. ვყოფილიყავთ სამშობლოსა და მართალი სიტყვის სადარაჯოზე. მუდამ ვგრძნობდით ჩვენი ერთგული მკითხველისა თანადგომას.
2013 წელს უამრავი მკითხველი, გულშემატკივარი შევიძინეთ. GHN-ის „ფეისბუკის" გვერდზე სააგენტოს მეგობრების რაოდენობა 72 ათასს აღემატება. ამას განვიხილავთ როგორც ჩვენს მიერ იმთავითვე არჩეული სტრატეგიის - "ობიექტური და დამოუკიდებელი" წარმატებად. ჩვენ კვლავ ამავე სტრატეგიით განვაგრძობთ მუშაობასა და წინსვლას, რადგან მიგვაჩნია, რომ მედიასაშუალებისთვის ეს ორი კომპონენტია უმთავრესი მსაზღვრელი.
2014 წელს ჩვენ ვეცდებით ვიყოთ უფრო წარმატებულები. შემოგთავაზოთ ბევრი ახალი მედიაპროდუქტი და რაც მთავარია, მოგაწოდოთ ობიექტური და მიუკერძოებელი ინფორმაცია.