საქართველოს პარლამენტის წევრი, "ევროპული საქართველოს" ერთ-ერთი ლიდერი გიგა ბოკერია პროკურატურის მიერ ნიკა მელიას საქმეზე თბილისის საქალაქო სასამართლოს მიერ გამოტანილი გადაწყვეტილების გასაჩივრებას ეხმიანება.
გიგა ბოკერიას თქმით, ბიძინა ივანიშვილი ნებისმიერი საარჩევნო სისტემით დამარცხდება.
"არაფერს არ გამოვრიცხავთ ჩვენ. ოპოზიციის ლიდერებმა, ყველამ ვიცით, რომ სანამ ივანიშვილს არჩეული აქვს ეს ასლან აბაშიძის კურსი, მისი ბრიყვული, მისთვის დამღუპველი, ქვეყნისთვის საზიანო არჩევანია, რომ ამ ტიპის ნაბიჯებით და მუქარით, ის შეძლებს ძალაუფლების შენარჩუნებას.
ვერაფერს ვერ შეძლებს, თავზე დაემხობა ყველა მისი ნაბიჯი და დამარცხდება ნებისმიერი სისტემით არჩევნებში", - განაცხადა გიგა ბოკერიამ.
შეგახსენებთ, პროკურატურამ ქართუ ბანკის გაკოტრების საქმეზე თბილისის საქალაქო სასამართლოს მიერ გამოტანილი გადაწყვეტილება გაასაჩივრა. ამ საქმეზე სასამართლომ ნიკა მელიას 25 000-ლარიანი ჯარიმა დააკისრა და 3 წლით აუკრძალა თანამდებობის დაკავება. პროკურატურა ნიკა მელიასთვის 7-წლიან პატიმრობას ითხოვს.
