საქართველოს მესამე პრეზიდენტი მიხეილ სააკაშვილი 20 ივნისთან დაკავშირებით სოციალურ ქსელში "აღიარებით ჩვენებას" აქვეყნებს.
"საქართველოს შინაგან საქმეთა სამინისტროს მინდა, მივმართო სრულიად საიდუმლო. მართალი ხართ, გავრილოვის ღამე მე მოვაწყვე, გავრილოვი მე ჩამოვიყვანე, რა თქმა უნდა, ჩემი ძველი აგენტი და ძმაკაცია.
ქუცნაშვილი ჩვენი „ნაციონალური მოძრაობის“ საიდუმლო წევრია. გახარია ჩემ ბრძანებებს ასრულებდა, როდესაც არბევდა მიტინგებს, მე დავავალე რა თქმა უნდა და ივანიშვილი ხომ ჯიბეში მიზის, რადგან 19 მილიარდი მაქვს და ივანიშვილს მხოლოდ ხუთი.
რა თქმა უნდა, ეს ყველაფერი ტრამპთან და პუტინთან იყო კარგად მოლაპარაკებული.
რა ვიცი ახლა, ძმებო, როგორ ვქნათ, თქვენ ჩამოხვალთ ჩემი ჩვენებების ჩასაწერად, თუ ჩამოგაკითხოთ მანდ და დავილაპარაკოთ, ჩავხედოთ ერთმანეთს თვალებში", - ამბობს მიხეილ სააკაშვილი ვიდეომიმართვაში.
მანამდე, შინაგან საქმეთა სამინისტრომ მიხეილ სააკაშვილის განცხადების შესწავლა დაიწყო "სახელმწიფო ხელისუფლების ძალადობრივი გზით დამხობის აშკარა მცდელობასთან" დაკავშირებით.