ესტონეთის პრეზიდენტი კერსტი კალიულაიდი რუსეთს საერთაშორისო ვალდებულებების შეუსრულებლობაში დებს ბრალს და მას არაკეთილსინდისიერ მოთამაშეს უწოდებს.
ამის შესახებ ესტონეთის პრეზიდენტმა გერმანულენოვან გამოცემა Frankfurter Allgemeine Zeitung-სთან ინტერვიუში განაცხადა.
"პრობლემა ყველას ეხება, რადგან რუსეთი არ უყურებს სერიოზულად საკუთარი ხელმოწერებს საერთაშორისო ვალდებლებებზე", - აცხადებს კალიულაიდი.
მისი თქმით, ესტონეთი იზიარებს შეხედულებას, რომ რუსეთ არაპროგნოზირებადი ქვეყანაა.
"ჩვენ ვიზიარებთ ნატოს სახელმწიფოების საერთო შეფასებას, რომლის თანახმად, რუსეთი არაპროგნოზირებადი ქვეყანაა", - თქვა ესტონერთის პრეზიდენტმა.
კერსტი კალიულაიდმა, ინტერვიუს მსვლელობისას, კიდევ ერთხელ გაუსვა ხაზი იმას, რომ რუსეთი თავს დაესხა უკრაინასა და საქართველოს.
კალიულაიდმა ასევე აღნიშნა, რომ როდესაც რუსეთის ფედერაციამ ბორის ელცინის ხელმძღვანელობით დამოუკიდებლობა გამოაცხადა, "ბევრი ესტონელი იმედოვნებდა, რომ რუსეთი თავისუფალი და დემოკრატიული სახელმწიფო გახდებოდა".
"სამწუხაროდ, ეს სხვაგვარად აღმოჩნდა", - დასძინა კალიულაიდმა.
ფოტო: AP