შეერთებულმა შტატებმა მოლდოვის დემოკრატიული პარტიის ყოფილ ლიდერს, ოლიგარქ ვლადიმირ პლახოტნიუკს სანქციები დაუწესა. ამის შესახებ შტატების სახელმწიფო მდივანმა მაიკ პომპეომ მიკრობლოგ "ტვიტერზე" დაწერა.
"ვლადიმირ პლახოტნიუკის კორუფციულმა ქმედებებმა შეარყია კანონის უზენაესობა და ძლიერ დააზარალა დემოკრატიული ინსტიტუტების დამოუკიდებლობა მოლოდვაში.
დღეს, მე ოფიციალურად შემყავს იგი სანქცირებულთა სიაში. აშშ-ი მხარს უჭერს მოლდოვას კორუფციასთან ბრძოლაში", - ნათქვამია განცხადებაში.
ოლიგარქმა მოლდოვა გასული წლის ივნისში დატოვა, როდესაც ქვეყნის პრეზიდენტის იგორ დოდონის სოციალისტურმა პარტიამ და პროევროპულმა ბლოკმა Acum ახალი საპარლამენტო უმრავლესობა ჩამოაყალიბეს და პლახოტნიუკის დემოკრატიულ პარტიას კორუფციასა და ძალაუფლების უზურპაციაში დასდეს ბრალი.