ვიდრე მე ვარ პრეზიდენტი, ირანს ბირთვული იარაღი არ ექნება - ასე დაიწყო შეერთებული შტატების პრეზიდენტმა დონალდ ტრამპმა პრესკონფერენცია, რომელიც ცოტა ხნის წინ თეთრ სახლში გაიმართა.
მისი თქმით, ირანის მიერ განხორციელებული სარაკეტო თავდასხმის შედეგად მინიმალური ზიანი მიადგა აშშ-ის ბაზებს და ამერიკის მოქალაქეები არ დაზარალებულან.
"მოხარული ვარ გაცნობოთ, რომ ამერიკის მოქალაქეები უნდა იყონ მადლიერები და ბედნიერი, რომ ამერიკის არც ერთი მოქალაქე არ დაზიანდა გუშინდელი შეტევის დროს, რომელიც განახორციელა ირანის რეჟიმმა.
ჩვენი ყველა ჯარისკაცი არის უსაფრთხოდ და მხოლოდ მინიმალური ზიანი მიადგან ჩვენს სამხედრო ბაზებს. ეს არის კარგი ადრეული გაფრთხილების სისტემების შედეგად", - თქვა ტრამპმა.
პრეზიდენტმა განაცხადა, რომ ვაშინგტონი გააგრძელებს თეირანის წინააღმდეგ მძლავრი ეკონომიკური სანქციების დაწესებას.
დონალდ ტრამპმა მოუწოდა დიდ ბრიტანეთს, გერმანიას, საფრანგეთს, რუსეთსა და ჩინეთს, რომ აღიარონ რეალობა და ჩამოშოროდნენ ირანთან ბირთვულ შეთანხმებას, რადგან ამგვარად "მსოფლიო უფრო მშვიდი და წყნარი იქნება".
