ეკლესია ძალიან ერევა პოლიტიკაში. უწმინდესი მგონი ცოტა ვეღარ ართმევს თავს - ამის შესახებ პაატა ბურჭულაძემ ტელეკომპანია "პირველის" ეთერში გადაცემა "რეაქციაში" განაცხადა.
პაატა ბურჭულაძემ მახათას მთაზე ივერიის ყოვლადწმინდა ღვთისმშობლის ხატის სახელობის ტაძრის საზეიმო გახსნის ღონისძიებასთან დაკავშირებით ისაუბრა.
"ეკლესია ძალიან ერევა პოლიტიკაში და ძალიან პოლიტიზირებულია. უწმინდესი, მე მგონი, უკვე ცოტა ვეღარ ართმევს თავს, ჩემი საყვარელი უწმინდესი, რომელიც ძალიან მიყვარს მე. იმიტომ რომ არ შეიძლება, ასე თეთრზე შავი.
აი, მაგალითად, მეუფის ქადაგება იყო [მახათას მთაზე], მე აქეთ დავდექი, მეორე მხარეს იდგა პრეზიდენტი, პრემიერ-მინისტრი და სხვა დანარჩენები. მეუფემ მე არ მახსენა, მაინც რომ არ გაეღიზიანებინა მთავრობა, კარგი, არაუშავს, მაგრამ არ ახსენეს არქიტექტორი, ადამიანი ვინც მახათაზე ეს ყველაფერი ააშენა, ომარ ნაფეტვარიძის იქ არხსენება არ შეიძლებოდა", - თქვა პაატა ბურჭულაძემ.