ევროკავშირის საბჭოს პრეზიდენტმა შარლ მიშელმა განაცხადა, რომ ევროკავშირის ლიდერებმა მიიღეს გადაწყვეტილება, რუსეთის წინააღმდეგ სანქციების კიდევ 6 თვით გახანგრძლივების შესახებ.
სანქციები ფინანსურ, ენერგეტიკის და თავდაცვის სფეროებზე ვრცელდება.
შარლ მიშელის განცხადებით, ევროკავშირის სამიტის ფარგლებში, ლიდერებმა მოისმინეს "ნორმანდიული სამიტის" შედეგების შესახებ მაკრონისა და მერკელის მოხსენება და ამის შემდეგ მიიღეს გადაწყვეტილება.
მისივე თქმით, ევროკავშირისთვის უაღრესად მნიშვნელოვნად რჩება მინსკის შეთანხმების პირობების შესრულება, რასაც რუსეთი ამ დრომდე უგულვებელყოფს.
რუსეთის წინააღმდეგ სანქციები მას შემდეგ მოქმედებს, რაც მან უკრაინის კუთვნილი ყირიმის ნახევარკუნძულის ანექსია მოახდინა.