პარლამენტის შენობის წინ მყოფმა საპროტესტო აქციის მონაწილეებმა საკანონმდებლო ორგანოში შესვლის საშუალება არ მისცეს "ქართული ოცნების" წევრს, დეპუტატ რევაზ არველაძეს.
აქციის მონაწილეები რევაზ არველაძეს შეძახილებით - "მონა", "მოღალატე" - შეხვდნენ. ისინი დეპუტატს მოუწოდებენ, დატოვოს საპარლამენტო უმრავლესობა.
"სამსახურში მოვედი, ჩემი სამსახურია აქ, რამდენიმე კანონპროექტია ენერგეტიკაზე შემოსული და მინდოდა მენახა, არ მომცეს საშუალება, არ არის სწორი", - თქვა რევაზ არველაძემ.
პარლამენტის ოთხივე შესასვლელი აქციის მონაწილეების მიერ პიკეტირებულია.