სასმელი წყლის , სანიაღვრე სისტემის, შიდა გზების პრობლემებზე საუბრობს სოფელ ბოკვიანში მცხოვრები მოსახლეობა. ’’ევროპული საქართველოს’’ ლიდერი დავით ბაქრაძე აფენის თემის საკრებულოს მაჟორიტარ კანდიდატთან მალხაზ მელაშვილთან ერთად ადგილობრივებს შეხვდა და მათ პრობლემებს ადგილზე გაეცნო. მოსახლეობა ადგილობრივი ხელისუფლების უყურადღებობაზე საუბრობენ და აცხადებენ,რომ სოციალური და ერთ ჯერადი დახმარებები არ გაიცემა ,თუმცა ლაგოდეხის საკრებულო ცენტრალურ ბიუჯეტში 800 ათას ლარს უკან აბრუნებს. დავით ბაქრაძის განცხადებით , ადგილობრივ ხელისუფლებას მოსახლეობის პრობლემები არ აწუხებს და მოსახლოებას მოუწოდებს ლაგოდეხში ადგილობრივ არჩევნებზე ევროპული საქართველოს მიერ წარდგენილ კანდიდატს მხარი დაუჭირონ რათა შეძლოს ხალხის პრობლემების მოგვარება და ახალი პროექტების განხორციელება.
დავით ბაქრაძის განცხადებით : - ’’ხელისუფლების უყურადღებობის შედეგად , ლაგოდეხში ბევრი პრობლემა არის დაგროვილი . შარშან ლაგოდეხის ბიუჯეტში მორჩა 800 ათასი ლარი ,რომელიც უკან დაბრუნდა ცენტრალურ ბიუჯეტში ,ეს იმ პირობებში როდესაც მოსახლეობისთვის არ გაიცემა ერთჯერადი დახმარებები, არ ხდება გზების ,სანიღვრე სისტემის შეკეთება ,პრობლემაა წყალმომარაგების სისტემაც.
ეს არის ნიშანი იმისა ,რომ ადგილობრივ ხელისუფლებას არ აწუხებს ადამიანების პრობლემები და არაფერს არ აკეთებს პრობლემის მოსაგვარებლად. ეს უნდა შეიცვალოს ამ არჩევნებზე და ’’ევროპულ საქართველოს ’’ წარმოდგენილი ყავს კანდიდატი მალხაზ მელაშვილი საქმიანი, გამოცდილი,მცოდნე ადამიანი, რომელიც ლაგოდეხის საკრებულოდან არა თუ მორჩენილ თანხას არ დააბრუნებს ბიუჯეტში, კიდევ უფრო მეტ თანხას მოითხოვს, პროექტების განსახორციელებლად და ადამიანების პრობლემების მოსაგვარებლად’’ - განაცხადა დავით ბაქრაძემ
