გერმანიის კანცლერმა ანგელა მერკელმა, თურქეთის პრეზიდენტ რეჯეპ ტაიპ ერდოღანთან სატელეფონო საუბრისას აღნიშნა, რომ თურქეთმა სირიის ჩრდილო – აღმოსავლეთში სამხედრო ოპერაცია დაუყოვნებლივ უნდა შეწყვიტოს. იტყობინება გერმანიის მთავრობის პრესსამსახური.
ლიდერებს შორის სატელეფონო საუბარი, დღეს, 13 სექტემბერს გაიმართა, თურქული მხარის თხოვნით.
"საუბრის მთავარი თემა იყო ჩრდილო-აღმოსავლეთ სირიაში არსებული ვითარება თურქეთის სამხედრო ოპერაციის დაწყების შემდეგ.
კანცლერმა მოუწოდა ერდოღანს სამხედრო ოპერაციის დაუყოვნებლივი შეწყვეტისაკენ.
თურქეთის ლეგიტიმური უსაფრთხოების ინტერესების მიუხედავად, ოპერაცია საფრთხეს უქმნის ადგილობრივი მოსახლეობას და რეგიონის დესტაბილიზაციას უწყობს ხელს", - ნათქვამია პრესსამსახურის განცხადებაში.
ცნობილია, რომ გერმანია არ უჭერს მხარს თურქეთის მიერ წარმოებულ სამხედრო მოქმედებებს სირიაში. რამდენიმე დღის წინ, გერმანიის საგარეო საქმეთა მინისტრის განცხადებით, გერმანია წყვეტს თურქეთისთვის იარაღის მიწოდების პროცესს.
