დუმის საერთაშორისო საქმეთა კომიტეტმა საქართველოდან რუსეთში ღვინისა და წყლების იმპორტის აკრძალვას მხარი დაუჭირა. ინფორმაციას რუსული სააგენტო "რია ნოვოსტი" ავრცელებს.
ინფორმაცია ჟურნალისტებს კომიტეტის თავმჯდომარემ ლეონიდ სლუცკიმ განუცხადა.
„საჭიროა მივიღოთ დამატებითი მკაცრი ზომები. საერთაშორისო საქმეთა კომიტეტი მხარს უჭერს წინადადებას, რომელიც სახელმწიფო დუმაში ფრაქცია „ედინაია როსიამ“ დააყენა საქართველოდან პროდუქციის შემოტანაზე შეზღუდვების შესახებ, კერძოდ ღვინოზე, მინერალურ წყალზე, ასევე რუსეთსა და საქართველოს შორის ფულადი გზავნილების გაყინვის შესახებ,“- განაცხადა სლუცკიმ.
