"ჩემი ძაღლი უფრო მიყვარს, ვიდრე ხაბეიშვილი" - ასე აფასებს თბილისის საკრებულოს ფრაქცია "ქართული ოცნების" თავმჯდომარე ბექა დავითულიანი ლევან ხაბეიშვილის ცემის ფაქტს.
მანამდე ბექა დავითულიანი გამოვიდა მოწოდებით, რომ ლევან ხაბეიშვილს "ყოველგვარი იგნორირება გაუკეთონ".
"მე გთავაზობთ ასეთ ფორმატს - საერთოდ არ მიმაჩნია ის ჩემს კოლეგად, არც მიმართვის ღირსად, გავუკეთოთ ყოველგვარი იგნორირება, თავში ქვა უხლია, რაც უნდა, ის უთქვია, მის სიტყვას არ აქვს ჩემთვის არანაირი ფასი, მისი ყოველი სიტყვის უკან არის ტყუილი...
გინდ ძაღლს უყეფია, არა, ჩემს ძაღლს ბევრად დიდ პატივს ვცემ, ბოდიში ჩემს ძაღლთან, გინდა, მას ულაპარაკია... ილაპარაკოს, იაროს ეთერებში და იყეფოს ტყუილები, რამდენიც უნდა ”
შეგახსენებთ, რომ საკრებულოს სპორტის, განათლებისა და სარევიზიო კომისიის გაერთიანებულ სხდომაზე სიტყვიერი კამათი ფიზიკურ დაპირისპირებაში გადაიზარდა, რა დროსაც საკრებულოს ფრაქცია "ნაციონალური მოძრაობის" წევრს ლევან ხაბეიშვილს სცემეს.
უმრავლესობის ერთ-ერთმა წევრმა თარაშ შურღაიამ ხაბეიშვილს თავში სკამი ჩაარტყა, რის შედეგადაც ხაბეიშვილმა თავის არეში მძიმე დაზიანებები მიიღო.