თარიღი    დრო

პროკურატურაში უნდათ, ადვოკატებს კანონი დაარღვევინონ - ზაზა ხატიაშვილი 

საქართველო, თბილისი - 12:02 10.12.2017 620

რამდენიმე წუთის წინ ადვოკატთა ასოციაციაში ე.წ. ციანიდის საქმის ადვოკატებთან შეხვედრა დასრულდა. 

ასოციაციის თავმჯდომარე ზაზა ხატიაშვილის შეფასებით, საქართველოს პროკურატურა სამართლებრივი შეგნებიდან გამოვიდა და სამარცხვინო ნაბიჯების გადადგმაზე გადავიდა.

"პროკურატურამ პირდაპირ დაარტყა ადვოკატის ფუძემდებლურ პრინციპს და ეჭვქვეშ დააყენა ადვოკატის და კლიენტის კონფიდენციალურობის პრინციპი. ისინი ადვოკატებს აიძულებენ, რომ გათქვან ის ინფორმაცია, რაც დაცვის განხორციელების დროს მიიღეს. 

მათ უნდათ ადვოკატების წინააღმდეგ სადამსჯელო ღონისძიებები გაატარონ. მინდა ის ტვინგამოცლილი პროკურორი გავაფრთხილო, ვინც ეს გადაწყვეტილება მიიღო და ასევე , სავარაუდოდ, რიგითი მურუსიძე რომელმაც შეიძლება მიიღოს გადაწყვეტილება და შეიძლება ადვოკატები მაგისტრ მოსამართლესთან დაიბარონ დასაკითხად. ამას ძალიან მწვავე რეაქცია მოჰყვება", -  განაცხადა ხატიაშვილმა.

მისივე თქმით, როგორც საქართველოს ადვოკატთა ასოციაციის თავმჯდომარე არ დაუშვებს, კლიენტთა კონფიდენციალურობის პრინციპი საფრთხის ქვეშ დადგეს.

"არ დავუშვებ, კლიენტთა კონფიდენციალურობის პრინციპი, ზოგიერთი ვაი პროკურორის გადაწყვეტილების გამო საფრთხის ქვეშ დადგეს. ეს იგივე მღვდელი დაიბარონ დაკითხვაზე და აღსარების გაცემა აიძულონ. თუ ადვოკატთა კორპუსმა დავუშვით, რომ ნებისმიერი ადვოკატი შეძლება, ვიღაც ტვინთხელმა პროკურორმა დაკითხვაზე დაიბაროს, ეს იქნება ამ ქვეყანაში კატასტროფა. თუ პროკურატურას უფლება აქვს გრიფით საიდუმლო საქმეზე  მტკიცებულებები გაამჟღავნოს და თუ ეს მათი მხრიდან დანაშული არ არის, რატომ არის ეს დანაშული რაც დამოუკიდებელმა ტელეკომპანიებმა გააკეთეს? დაიწყონ გამოძიება თუ რატომ გაასაჯაროვა პროკურატურამ მასალები.

ახლა ადვოკატთა დაშინებაზე გადავიდნენ და ეს გადაწყვეტილება მხოლოდ პროკურატურაში არ არის მიღებული და მოხარშული, ეს სახელისუფლებო გამოხტომაა.  ექვსივე ადვოკატი სახელმწიფო ბოროტებას აწყდება. ეს სამოქალაქო საზოგადოებისთვის ძალიან ცუდად საყურებელია. პროკურატურა ადვოკატებზე სხვადასხვა მეთოდებით ზემოქმედებს, რომ ადვოკატებს კანონი დაარღვევინონ.

სისხლის სამართლის საპროცესო კოდექსით ადვოკატი დაცულია კონსულტაციის გამჟღავნებისგანაც კი. ეს არის გაეროს კონვენცია ადვოკატის როლის შესახებ. იმ  პროცესების დროს მოსამართლე მისი თანაშემწე, პროკურორები იყვნენ, მხოლოდ და მხოლოდ ადვოკატებს რატომ მიადგნენ, ეს არ არის ზეწოლა"? - განაცხადა ზაზა ხატიაშვილმა.

 




sazogadoeba

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 84%
შემცირდა 13%
არ შეცვლილა 3%