დღეს, 10 დეკემბერს 11:00 საათზე სასტუმრო „რედისონ ბლუ ივერიაში" ადამიანის უფლებათა დაცვის საერთაშორისო დღესთან დაკავშირებით სახალხო დამცველი უჩა ნანუაშვილი პრესკონფერენციას გამართავს, სადაც წარმოადგენს საქართველოში ადამიანის უფლებებისა და თავისუფლებების კუთხით არსებული მდგომარეობის ანგარიშს.
როგორც ,,ჯი-ეიჩ-ენს" სახალხო დამცველის აპარატიდან აცნობეს ანგარიშში სახალხო დამცველი შეაფასებს 2013 წლის განმავლობაში ქვეყანაში ადამიანის უფლებებისა და ძირითადი თავისუფლებების დაცვის თვალსაზრისით მნიშვნელოვან მიღწევებსა და გამოწვევებს.
ასევე, დაინტერესებულ საზოგადოებას გააცნობს იმ პრობლემებს, რომელთა აღმოფხვრის გარეშეც შეუძლებელი იქნება საქართველოში ადამიანის უფლებათა საყოველთაო დეკლარაციის სულისკვეთების რეალიზება.