არასამთავრობო სექტორისა და მთავრობის თამანშრომლობით დევნილთათვის საარსებო წყაროების ხელმისაწვდომობის სტრატეგიის პროექტი შეიქმნა. საქველმოქმედო ჰუმანიტარული ცენტრი „აფხაზეთის" ინიციატივით დოკუმენტის შემუშავებაში 70-ზე მეტი ეროვნული არასამთავრობო ორგანიზაცია და დევნილთა სათემო ორგანიზაცია ჩაერთო. სტრატეგია მას შემდეგ ამოქმედდება, როცა მას მთავრობა დაამტკიცებს.
როგორც ცენტრი „აფხაზეთის" აღმასრულებელი დირექტორი ეკა გვალია აცხადებს, დოკუმენტის ძირითადი ნაწილია დევნილი მოსახლეობის ეკონომიკური პოტენციალისა და რესურსების მობილიზება, მათი დასაქმების ხელშეწყობა, შემოსავლების გაზრდა და სიღარიბის დაძლევა.
„სტრატეგიის პროექტის პირველი ვერსია საერთაშორისო ორგანიზაციების მაღალი ჩართულობით მომზადდა, თუმცა ეროვნული არასამთავრობო სექტორი არასაკმარისად მონაწილეობდნენ. დოკუმენტში არ იყო გამოხატული დევნილთა მოსაზრებები და იგი საკმარისად არ პასუხობდა დევნილთა ეკონომიკური განვითარების სფეროში არსებულ საჭიროებებსა და გამოწვევებს. ჩვენი ინიციატივით, სტრატეგიის დოკუმენტზე მუშაობის ერთთვიან პროცესში მონაწილეობა მიიღო 70-ზე მეტმა ორგანიზაციამ თბილისსა და საქართველოს 6 რეგიონში. პროცესში ასევე აქტიურად მონაწილეობდა დევნილთა სამინისტრო. პროცესის მიმდინარეობის შესახებ რეგულარულად ინფორმირებულნი იყვნენ საერთაშორისო ორგანიზაციებიც" - აცხადება ეკა გვალია.
მსგავსი სტრატეგია სახელმწიფოს არასდროს ჰქონია და ეს არის პირველი პრეცენდენტი, როცა გაჩნდა დოკუმენტი, რომელიც უზრუნველყოფს დევნილი მოსახლეობის ეკონომიკური პოტენციალისა და რესურსების მობილიზებსა, მათი დასაქმების ხელშეწყობა, შემოსავლების გაზრდასს და სიღარიბის დაძლევას.
დოკუმენტი ორიენტირებულია, საბინაო პრობლემების პარალელურად დევნილთა ეკონომიკური შესაძლებლობების გარზრდაზე, რომ ისინი ჩასახლების ადგილებზე დაკავდნენ და იძულებულები არ გახდნენ საცხოვრებელი მიატოვონ და საარსებო წყაროები სხვაგან ეძებონ.
