რიკოთის უღელტეხილზე მისაბმელიანი ტრანსპორტის მოძრაობა აიკრძალა, ხოლო მაღალი გამავლობის ავტოტრანსპორტის გარდა ყველა სახის ავტოტრანსპორტის მოძრაობა დასაშვებია მხოლოდ მოცურების საწინააღმდეგო ჯაჭვების გამოყენებით.
დიდთოვლობისა და მისაბმელიანი ტრანზიტული ავტოსატრანსპორტო საშუალების მოცურების გამო უღელტეხილზე საავტომობილო მოძრაობა შეფერხებულია.
საავტომობილო გზების დეპარტამენტის ინფორმაცით, ავტოსატრანსპორტო საშუალება თბილისი-სენაკი-ლესელიძის გზის 148-ე კილომეტრზე, სოფელ ხევთან მრუდმოსახვევიან მონაკვეთზე მოცურდა. აღნიშნულის გამო გზის სავალი ნაწილი ჩაკეტა და გზაზე მოძრაობა შეფერხდა.
‘
შემთხვევის ადგილზე სიტუაციას საპატრულო პოლიცია და ადგილობრივი საგზაო სამსახურები არეგულირებენ. მოცურებული ტრაილერის გვერდით გზა გათავისუფლდა, სადაც შესაძლებელია ავტომანქანების ერთ მწკრივად გატარება.
დეპარტამენტის განცხადებით, დეპარტამენტი კეთდება, რათა შექმნილი სირთულე მალე აღმოიფხვრას, თუმცა მდგომარეობას ინტენსიური თოვა და ძლიერი ქარი ართულებს, რის გამოც უღელტეხილზე ხილვადობა ძალიან დაბალია.