ცენტრალურმა ხელისუფლებამ აჭარის ხელისუფლებას ციტრუსისთვის სუფსიდირების გამოყოფაზე უარი განუცხადა, - ამის შესახებ ინფრმაციას უფლებადამცველი მერაბ ბლადაძე ავრცელებს.
როგორც ბლადაძემ „ჯი-ეიჩ-ენს" განუცხადა, ციტრუსის ფასი 30-35-თეთრამდე დაეცა, ეს ფასი კი, ხარჯსაც არ ანაზღაურებს.
„აჭარის სოფლის მეურნეობის სამინისტროში ფასის დაცემას იმით ხსნიან, რომ უკრაინამ საბაჟო გადასახადი გაზარდა. ერთი სიტყვით, აჭარაში კატასტროფული მდგომარეობაა: აქეთ იპოთეკით დაზარალებულები, იქეთ - ციტრუსის გაყიდვის ჩავარდნა. რომ შეეკითხო, ხელისუფლება ცამდე მართალია, მაგრამ სინამდვილეში, მურმან დუმბაძის მიერ დაკომპლექტებული აჭარის ხელისუფლება აბსოლიტურად უუნაროა," - აცხადებს ბლადაძე.
უფელბადამცველის თქმითვე, აჭარაში შესაძლოა, „ციტრუსის რევოლუცია" დაიწყოს.
„არარეზლიზებული ციტრუსი ხალხმა შეიძლება, აჭარის მთავრობის სახლის წინ დაყაროს და ხელისუფლების უუნარობა ასე გააპროტესტოს. აჭარის რეგიონის მაჟორიტარი დეპუტატები კი თავიანთი ყოფითი პრობლემების მოგვარებით არიან დაკავებულნი და ამომრჩევლები ფეხზე კიდიათ," - ამბობს მერაბ ბლადაძე, რომელიც აჭარლების სახელით, ცენტრალურ ხელისუფლებას შველას სთხოვს.