ახალი პოლიტიკური მოძრაობა "თეთრების"ლიდერმა თემურ შაშიაშვილმა და პარტიის წევრმა ზურაბ ხასიამ ფოთში, სენაკსა და ხობში სხვა ოპოზიციურ ძალებთან და არასამთავრობო სექტორთან შეხვედრის პარალელურად მოსახლეობას "ღირსების ულტიმატუმი" პირადად გააცნეს.
შაშიაშვილის განცხადებით, რეგიონში ხალხი უაღრესად მძიმე სოციალურ მდგომარეობაშია, დაუსაქმებელია მოსახლეობის უდიდესი პროცენტი. არასწორი საფინანსო პოლიტიკის წარმოების შედეგად, განსაკუთრებით მძიმე მდგომარეობაა ფოთში.
"თეთრების"ლიდერი აცხადებს, რომ რეგიონებში აღმატებულ ხარისხში ახდენს ხელისუფლება ადამიანებზე ფსიქოლოგიურ ზეწოლას, ხალხი დაშინებულია, ღიად და საჯაროდ ეშინიათ აზრის გამოთქმა, ადამიანებს ხელისუფლების იმედი აღარ აქვთ და ერთადერთ გამოსავლად სააკაშვილის იმპიჩმენტის გზით გადაყენებას მიიჩნევენ.
"ხელისუფლება გახრწნილია, ახალაიასა და გოროზიას კლანების მარწუხებში მოქცეული მოსახლეობა შველას ოპოზიციისგან ითხოვს", _ აცხადებს შაშიაშვილი.