აჭარის ჯანდაცვის სამინისტრო 2014 წელს მაღალტექნოლოგიურ დიაგნოსტიკურ კვლევებს დააფინასებს. აჭარის ჯანდაცვის სამინისტროს ინფორმაციით, პროგრამის მიზანია სოციალურად დაუცველი მოსახლეობისათვის მაღალტექნოლოგიურ დიაგნოსტიკურ კვლევებზე ფინანსური ხელმისაწვდომობის უზრუნველყოფა.
ქვეპროგრამით სარგებლობა შეეძლებათ სოციალურად დაუცველი ოჯახების მონაცემთა ერთიან ბაზაში რეგისტრირებულ 200 000 ჩათვლით სარეიტინგო ქულის მქონე პაციენტებს. სამედიცინო მომსახურება გავრცელდება საქართველოს იმ მოქალაქეებზე, რომლებიც უწყვეტად არიან რეგისტრირებულნი აჭარის ავტონომიურ რესპუბლიკაში 2014წლის 1 იანვრის მდგომარეობით და ვაუჩერის გაცემის მომენტში.
დაფინანსება გაიცემა შემდეგი ფორმით:
1) 70 000-ის ჩათვლით სარეიტინგო ქულის მქონე მოქალაქეები და 18 წლამდე ასაკის 200 000 -ის ჩათვლით სარეიტინგო ქულის მქონე ბავშვები დაფინანსდება ფიქსირებული თანხის - 100 %-ით.
2) 70 001-დან 100 000-ის ჩათვლით სარეიტინგო ქულის მქონე მოქალაქეები დაფინანსდება ფიქსირებული თანხის - 90 % -ით.
3) 100 001-დან 200 000-ის ჩათვლით სარეიტინგო ქულის მქონე მოქალაქეები დაფინანსდება ფიქსირებული თანხის - 80 % -ით.
ქვეპროგრამით გათვალისწინებული მომსახურება არ გავრცელდება: სახელწიფო ბიუჯეტის ფარგლებში დაფინანსებული სამედიცინო პროგრამების, აგრეთვე ინდივიდუალური და კორპორაციული დაზღვევით მოსარგებლეებზე, გარდა იმ შემთხვევებისა, თუ სადაზღვევო პაკეტი არ ითვალისწინებს აღნიშნულ სადიაგნოსტიკო კვლევას.
ქვეპროგრამა არ ითვალისწინებს საზღვარგარეთ ჩატარებული დიაგნოსტიკური კვლევების, უკვე ჩატარებული სამედიცინო მომსახურების და მოქმედი სამედიცინო პროგრამებით გათვალისწინებული თანაგადახდის დაფინასებას მოსარგებლის მხრიდან.
პაციენტის პროგრამაში ჩართვას განახორციელებს აჭარის ა.რ. ჯანმრთლობისა და სოციალური დაცვის სამინისტრო. მომსახურების მიწოდება განხორციელდება ინდივიდუალური სამედიცინო ვაუჩერის მეშვეობით საქართველოს ნებისმიერ სამედიცინო დაწესებულებაში პაციენტთა არჩევით.