დღეს, 26 ნოემბერს, 20:00 საათზე, მიხეილ თუმანიშვილის სახელობის კინომსახიობთა თეატრში ერლომ ახვლედიანის 80 წლისადმი მიძღვნილი საიუბილეო საღამო.
საქართველოს კულტურისა და ძეგლთა დაცვის სამინისტრო 2013 წლიდან მოლაპარაკებებს აწარმოებს უმსხვილეს ფრანგულ გამომცემლობა Galimard-თან ერლომ ახვლედიანის რომანის "კოღო ქალაქში" ფრანგულ ენაზე გამოცემასთან დაკავშირებით. (ფრანგული თარგმანი დააფინანსა კულტურის სამინისტრომ და მომზადდა რ. თურნავას და ი. რიბადოს მიერ 2013 წელს). 2014 წელს იგეგმება ერლომ ახველდიანის "ვანო და ნიკო"-ს აშშ-ში გამოცემა.
ერლომ ახვლედიანის ბიოგრაფიით, ბიბლიოგრაფიით და მისი თარგმნილი რომანის ფრაგმენტით იწყება სამინისტროს მიერ საერთაშორისო წიგნის ბაზრობებისთვის (ლონდონი, ფრანკფურტი, ლაიფციგი) მომზადებული სპეციალური კატალოგი.
ღონისძიება საქართველოს კულტურისა და ძეგლთა დაცვის სამინისტროს მხარდაჭერით გაიმართება.