საქართველოს მთავრობამ 2013-2018 წლების თამბაქოს კონტროლის სამოქმედო გეგმა დაამტკიცა. როგორც მთავრობის სხდომის დასრულების შემდეგ, ჯანდაცვის მინისტრმა დავით სერგეენკომ განაცხადა, უკვე დამტკიცებული სამოქმედო გეგმა გაწერილია კონკრეტულ უწყებებზე და სამ ძირითად მიმართულებას მოიცავს.
"პირველია, საგანმანათლებლო სამუშაო - რათა, ახალგაზრდებმა თავი შეიკავონ მოწევის დაწყებისგან; მეორე - მოწევისთვის თავის დანებებაში დახმარება, ხოლო მესამე - პასიური მოწევით გამოწვეული ზიანის შემცირება" - აღნიშნა დავით სერგეენკომ.