საქართველოს სტატისტიკის ეროვნული სამსახურის მონაცემებით, 2013 წლის იანვარ-ოქტომბერში საქართველოს საგარეო სავაჭრო ბრუნვამ ევროკავშირის ქვეყნებთან 2306 მლნ. აშშ დოლარი შეადგინა, რაც წინა წლის შესაბამის მაჩვენებელზე 1 პროცენტით ნაკლებია.
საქსტატის მონაცემებით, ამ მაჩვენებლიდან ექსპორტი 459 მლნ. აშშ დოლარი იყო (52 პროცენტით მეტი), ხოლო იმპორტი 1846 მლნ. აშშ დოლარი (9 პროცენტით ნაკლები).
"საქართველოს საგარეო სავაჭრო ბრუნვაში ამ ქვეყნების წილმა 27 პროცენტი შეადგინა, მათ შორის ექსპორტში 20 პროცენტი და იმპორტში 29 პროცენტი. (2012 წლის იანვარ-ოქტომბერში შესაბამისად 27, 15 და 31 პროცენტი). ევროკავშირის ქვეყნებზე მოდიოდა სავაჭრო დეფიციტის 35 პროცენტი (2012 წლის იანვარ-ოქტომბერში 38 პროცენტი)", - განმარტავენ "საქსტატში".
.
