პაბლო პიკასოს ნახატი "კლოდი და პალომა" Christie's აუქციონზე 28 მილიონ დოლარად გაიყიდა .ექსპერტები ტილოს 9-12 მილიონ დოლარად აფასებდნენ.
ფერწერა, რომელიც მხატვრის შვილებს კლოდს და პალომას ასახავს, 1950 წელს შეიქმნა. იგი ლოტის სხვა ნივთებთან ერთად შედიოდა ჟენევის ცნობილი არტდილერის იან კრუჟეს კოლექციაში, რომელიც 2008 წელს გარდაიცვალა. აუქციონზე წარმოდგენილი იყო ამ კოლექციის ნაწილი,დარჩენილ ნაწილს მომავალ აუქციონზე გამოიტანენ.
სავაჭროდ გამოიტანეს პაბლო პიკასოს რამოდენიმე ნამუშევარი :მაგალითად ექსპერტების მიერ 200-300 ათას დოლარად შეფასებული სკულპტურა „სიგარა"(1941), რომელიც დამზადებულია შეღებილი ხისგან, ჩაქუჩის დარტყმით 1,1 მილიონ დოლარად გაიყიდა. მხატვრის ავტოპორტრეტი, რომელსაც ასევე ასახელებდნენ აუქციონის ტოპლოტად ესტიმენტის ქვედა ზღვარზე ოდნავ მეტად გაიყიდა 6,6 მილიონი დოლარი (წინასწარი შეფასება 6-9 მილიონს შეადგენდა)
პიკასოს მიერ შექმნილი სკულპტურის მაკეტი „თავი", რომელიც მოიხსენიებოდა როგორც სავაჭრო აუქციონის ერთ-ერთი ყველაზე ფასეული ლოტი მყიდველი არ გამოუჩნდა. 19 მეტრიანი მონუმენტის ცნობილი მოდელი, რომლის ორიგინალი განთავსებულია ჩიკაგოს მუნიციპალიტეტის შენობის წინ, ექსპერტების მიერ 25-35 მილიონ დოლარად ფასდებოდა.
ვაჭრობის ერთ-ერთ ფავორიტად ექსპერტები ვასილი კანდინსკის „ შემოდგომის პეიზაჟს" ასახელებდნენ, რომელიც 1911 წლით თარიღდება, თუმცა ფერწერა, რომლის საწყისი ფასი 20 მილიონ დოლარს შეადგენდა არ გაიყიდა.
იან კრუჟიეს კოლექციიდან სავაჭრო აუქციონზე გამოიტანეს 150 ლოტი, საერთო ღირებულებით, დაახლოებით, 170 მილიონი დოლარი. პიკასოსა და კანდინსკის ნამუშევრებთან ერთად აუქციონზე წარმოდგენილი იყო ისეთი მხატვრები როგორიცაა ჟოან მირო, ალბერტო ჯაკომეტი, ჟან მიშელ ბასკია, ედვარდ ჰოპერი, ანრი მატისი, მაქს ერნსტი და სხვები.