უკრაინის პრეზიდენტმა ვიქტორ იანუკოვიჩს უარი არ უთქვამს ვილნიუსში აღმოსავლეთ პარტნიორობის სამიტში მონაწილეობაზე. განაცხადა პრეზიდენტის მრჩეველმა ანდრეი გონჩარუკმა. ამავდროულად ოპოზიციის წარმომადგენლები დარწმუნებულნი არიან, რომ პრეზიდენტი მონახავს საშუალებას თავი აარიდოს ამ ვიზიტს.
„მართალია შეთანხმების ხელმოწერა გაიყინა, იანუკოვიჩის ვიზიტს ვილნიუსში აზრი აქვს", _ განაცხადა მრჩეველმა.
მისივე თქმით, დაგეგმილი ვიზიტი გაუქმებული არ არის.
„დაგეგმილი ვიზიტი გაუქმებული არ არის. უპირველეს ყოვლისა, ხელი მოეწერება სხვა შეთანხმებებს, მაგრამ არა უმაღლეს დონეზე. მეორე - ზოგი ქვეყანა საერთოდ არ აწერს არაფერს ხელს", _ გააცხადა გონჩარუკმა.
ამავე დროს, საპარლამენტო ფრაქცია „ბატკივშინას" ხელმძღვანელი არსენიი იაცენიუკმა განაცხადა, რომ იანუკოვიჩი არ წავა ვილნიუსში.
„ვიქტორ იანუკოვიჩი ვილნიუში არ გაემგზავრება. ჩვენ სამნი წავალთ",_ განაცხადა მან პრესკონფერენციის დროს და კითხვაზე - თუ საიდან აქვს მას ეს მონაცემი თქვა: „ვნახავთ".
ვილნიუში აღმოსავლეთ პარტნიორობის სამიტს დაესწრებიან პარტია „უდარის" ხელმძღვანელი ვიტალი კლიჩკო, გაერთიანება „სვობოდას" ლიდერი ოლეგ ტიაგნიბოკი და არსენიი იაცენიუკი.
