დღეს, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროში ხელი მოეწერა ურთიერთთანამშრომლობის მემორანდუმს, ერთის მხრივ საქართველოს საპატიო კონსულის ბავარიასა და ბად-გიუტენბერში, ბავშვთა კვების სამრეწველო კორპორაციის პრეზიდენტს კლაუს ჰიპსა და დევნილთა სამინისტროს შორის. ერთი მხრივ, სამინისტროს წარმოდგენელი მინისტრის მოადგილის მამუკა ცოტნიაშვილის და მეორე მხრივ Hipp GmbH & Co წარმოდგენლის კლაუს ჰიპს შორის ურთიერთთანამშრომლობის მემორანდუმი დაიდო.
კლაუს ჰიპსა და სამინისტროს შორის ურთიერთთანამშრომლობა 1 წლის წინ დაიწყო. თანამაშრომლობის ფარგლებში გერმანიის მხარემ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინიტროს „ჰიპის" პროექტის ფარგლებში გადასცა ჰუმანიტარული ტვირთი, რომლის შემადგენლობაში შედიოდა: საკვები, ტანსაცმელი, საყოფაცხოვრებო ინვენტარი, სპეციალირიზებული საწოლები და ეტლები უნარ შეზღუდული პირებისთვის. ტვირთი განაწილდა საქართველოს მასშტაბით სხვადსხვა კლინიკაში: ქუთაისში, სენაკში, ბათუმში. გასტროკოპიის აპარატი ბათუმის რესპუბლიკურ კლინიკას გადაეცა. თანამშრომლობა გრძელდება და დღეს უკვე ოფიციალურად ფორმდება მემორანდუმი დევნილთა სამინისტროსა და კლაუს ჰიპს შორის. ამ მემორანდუმის ფარგლებში დევნილები წლის ბოლომდე ჰუმანიტარული პარტიის ახალ ტვირთს მიიღებენ.
„ერთი წლის უკან მოხდა პირველი შეთანხმება ბ-ნ კლაუსთან იმ საქველმოქმედო ღონისძიებების შესახებ. ამ ერთი წლის განმავლობაში ხორციელდებოდა. ახლა ამ მემორანდუმის გაფორმება შედგა, რომლის საფუძველზეც კიდევ უფრო მეტად იქნება ჩართული ბ-ნი კლაუსი, იმ ქველმოქმედებაში, რომელიც უშუალოდ დევნილებისთვის არის განკუთვნილი. ჩვენ უკვე აღვნიშნეთ, რომ ძალიან დიდი საქმეა გაკეთებული დევნილთა ჯანმრთელობის და უკეთესი ცხოვრების პირობებისათვის. დარწმუნებული ვარ ბ-ნი კლაუსის საქველმოქმედო ღონისძიება დევნილი ოჯახებისათვის მნიშვნელოვანი იქნება" - განაცხადა მინისტრის მოადგილე მამუკა ცოტნიაშვილმა.
„თუ რატომ საქართველო? მე მგონი ეს ბუნებრივია, იმიტომ, რომ ქართველი ვარ, მაქვს ქართული პასპორტი. საქართველოს მოქალაქე ვარ და რა თქმა უნდა ეს პირდაპირი ჩემი ვალია. საქართველო ძალიან მიყვარს. არსებობს პრობლემა ტრანსპორტირებასთან დაკავშირებით, ლოგისტიკური მომენტები. ამ ყველაფერს ჩვენ მოვერევით, გადავწყვიტავთ და გავაგრძელებთ ისევ დახმარებას. ლტოლვილების თემა ჩემთვის ძალიან ცნობილია. მეც მაქვს განცდილი ეს გრძნობა. ჩვენთანაც იყო ძალიან ბევრი ლტოლვილი მეორე მსოფლიო ომის შედეგად. ამ მხრივ ეს თემა ძალიან ახლოსაა ჩემთვის" - აღნიშნა კალუს ჰიპმა.
