გიორგობის დღესასწაულთან დაკავშირებით პატრიარქი უწმინდესი და უნეტარესი სრულიად საქართველოს კათოლიკოს პატრიარქი ილია მეორე ლოცვას ქაშვეთის წმინდა გიორგის სახელობის ტაძარში დღეს, 18:00 საათზე ჩაატარებს. ხოლო ხვალ, 23 ნოემბერს საზეიმო წირვა-ლოცვას ილია მეორე სვეტიცხოვლის ტაძარში 10:00 საათზე აღავლენს.
შეგახსენებთ, რომ ქართველთა უდიდეს წმინდანს, წმიდა გიორგის, ქართული ეკლესია წელიწადში ორჯერ მიაგებს პატივს. 23 ნოემბერს (ძვ. სტილით 10 ნოემბერს) მსოფლიო მართლმადიდებლური ეკლესია წმინდანის ბორბალზე წამებას აღნიშნავს, 6 მაისს (ძვ.სტილით 23 აპრილს) კი წმიდა გიორგის თავის კვეთას.
