რუსეთის დუმა მიესალმება უკრაინის მთავრობის მიერ მიღებულ გადაწყვეტილებას ევროკავშირთან ასოცირების შესახებ შეთანხმების ხელმოწერისათვის მზადების შეჩერების შესახებ.
ამას გარდა, რუსეთის პარლამენტში ასევე მზად არიან საექსპერტო დახმარება გაუწიონ ამ შეთანხმების თანმდევ ეკონომიკურ და სამართლებრივ შედეგებზე. განცხადება ამის შესახებ რუსეთის დუმის დსთ-ს ქვეყნების, ევრაზიული ინტეგრაციისა და თანამემამულეებთან კავშირების კომიტეტის ხელმძღვანელმა ლეონიდ სლუცკიმ გააკეთა.
„მივესალმებით უკრაინის მთავრობის გადაწყვეტილებას ისევე როგორც მას მიესალმებიან უკრაინაში არსებული საღი და ჯანსაღი ძალები. უკრაინის მთავრობის მიერ მიღებული გადაწყვეტილება მიმართულია უკრაინის ტერიტორიული მთლიანობისა და მისი ეკონომიკის მხარდასაჭერად", _ აცხადებს სლუცკი და აღნიშნავს, რომ უკრაინის მთავრობის მიერ მიღებული გადაწყვეტილა ეს „ჯანსაღი აზრის ხმაა".
