რიგაში სავაჭრო ცენტრის ჩამონგრევის შედეგად 18 ადამიანი დაიღუპა. დაღუპულთა შორის არის ორი მაშველი. 36 დაზარალებული საავადმყოფოშია გადაყვანილი, მრავალი მათგანი მძიმე მდგომარეობაშია. შემთხვევა გუშინ მოხდა.
შენობის ნანგრევებს შორის შესაძლოა 70 ადამიანი იყოს მოყოლილი, თუმცა მათი ზუსტი რაოდენობა ამჟამადაც უცნობია. მედიის ინფორმაციით, ჩამონგრეულია დაახლოებით 500 კვ.მ ფართობი. დანგრეულია ასევე შენობის ერთ ერთი კედელი.
ჩამონგრევის შემდეგ ერთ საათში მაშინ როდესაც მაშველებს უკვე სამაშველო სამუშაოები დაწყებული ჰქონდათ სახურავის მეორე ნაწილი ჩამოინგრა. სამაშველო სამუშაოები ამჟამადაც ძალიან ფრთხილად მიმდინარეობს, ვინაიდან ახალი ჩამონგრევის საფრთხე ჯერ კიდევ შენარჩუნებულია.
ლატვიის პოლიციამ აღნიშნულ ფაქტზე სისხლის სამართლის საქმე მშენებლობის ნორმების დარღვევის მუხლით აღძრა, თუმცა ტრაგედიის რამდენიმე ვერსია სახელდება.
