21 ნოემბერს აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს ადმინისტრაციული დეპარტამენტის უფროსის, დევნილთა და განსახლების დეპარტამენტის მთავარი სპეციალისტის (დევნილთა საქმეების დარგში), დევნილთა და განსახლების დეპარტამენტის სამი მთავარი სპეციალისტის (სტიქიის შედეგად დაზარალებულთა საქმეების დარგში), ბუღალტრული აღრიცხვისა და ანგარიშგების დეპარტამენტის მთავარი სპეციალისტისა და შიდა აუდიტის დეპარტამენტის მთავარი სპეციალისტის ვაკანტურ თანამდებობებზე კონკურსი გამოცხადდა.
კონკურსი ჩატარდება სამ ეტაპად: აპლიკაციების შეფასება/გადარჩევა; ტესტირება; გასაუბრება.
კონკურსში მონაწილეობის მიღების მსურველმა კანდიდატებმა აპლიკაციის შევსების დროს "ჩემი რეზიუმე"-ს "დამატებითი დოკუმენტაციის" ბლოკში უნდა ატვირთონ და გამოგზავნონ შემდეგი დოკუმენტაცია:
- უმაღლესი განათლებისა და კვალიფიკაციის დამადასტურებელი დოკუმენტების ასლები;
- ნამსახურობისა და სამსახურის სტაჟის დამადასტურებელი დოკუმენტის (შრომის წიგნაკი - არსებობის შემთხვევაში ან უფლებამოსილი ორგანოს მიერ გაცემული ცნობა) ასლი;
- პირადობის დამადასტურებელი დოკუმენტი;
- კონკურსში მონაწილეობის მისაღებად კანდიდატმა განაცხადი უნდა წარადგინოს მხოლოდ ერთ ვაკანსიაზე ელექტრონული ფორმით საჯარო სამსახურის ბიუროს მიერ ადმინისტრირებულ ვებ-გვერდზე: www.hr.gov.ge;
- კანდიდატის მიერ ერთდროულად ერთზე მეტ ვაკანტურ პოზიციაზე განაცხადის გაკეთების შემთხვევაში განუხილველი დარჩება ყველა განცხადება;
- კონკურსში მონაწილეობას მიიღებს მხოლოდ ის კანდიდატი, რომელიც განაცხადის (აპლიკაციების) გადარჩევის საფუძველზე, დააკმაყოფილებს დადგენილ მოთხოვნებს;
- კანდიდატი, რომლის მონაცემებიც არ შეესაბამება დადგენილ მოთხოვნებს, მათ შორის სავალდებულოდ ასატვირთი დოკუმენტების ან/და ინფორმაციის არასრულყოფილად წარდგენის შემთხვევაში, ავტომატურად მოიხსნება კონკურსიდან;
- კონკურსის ეტაპების შედეგების, ასევე ჩატარების ზუსტი ადგილის, თარიღისა და დროის შესახებ კანდიდატებს ეცნობებათ დამატებით (განაცხადში მითითებული ტელეფონის ან ელექტრონული ფოსტის საშუალებით).
განცხადების წარდგენის ბოლო ვადაა 2013 წლის 30 ნოემბერი.