ახალი მთავარი პროკურორი ოთარ ფარცხალაძე მთავარი პროკურორის რანგში მუშაობას ცოტა ხნის წინ შეუდგა. როგორც ფარცხალაძე აცხადებს, უნდა დაიხვეწოს მოქმედ პროკურორთა კვალიფიკაციის ამაღლების, ტრეინინგების, სემინარებისა და პერიოდული ტესტირების სისტემა.
მისივე განმარტებით, შესაძლოა, მის უწყებაში „შიდა შეფასების სისტემაც ," დაინერგოს.
,,ვფიქრობ, შესაძლოა პროკურატურაში შემოღებულ იქნეს თანამშრომელთა ე.წ. „შიდა შეფასების სისტემა," რომელიც შედგენილი იქნება სხვადასხვა კრიტერიუმისგან, რაც ერთის მხრივ, იქნება ჯანსაღი კონკურენციის და საკუთარ თავზე სისტემატურად მუშაობის მზაობის საფუძველი, თითოეული პროკურორის მხრიდან, ხოლო მეორეს მხრივ, საშუალებას მოგვცემს შევაფასოთ კონკრეტული პროკურორების საქმიანობის ხარისხი, დადებითი თუ უარყოფითი მხარეები, რათა პირველ შემთხვევაში მოხდეს წარმატებული პროკურორების დაწინაურება თუ წახალისება, ხოლო მეორე შემთხვევაში მათი მუშაობის დახვეწა- გამოსწორება", _განაცხადა ფარცხალაძემ.
