,,,ნანა კაკაბაძეს თუ შეუძლია, დამირეკოს და რაღაც რჩევა მომცეს, რატომ უნდა ავუკრძალო ეს ბიძინა ივანიშვილს", _განაცხადა ჟურნალისტებთან სასჯელაღსრულების მინისტრმა სოზარ სუბარმა ყოფილი პრემიერის ბიძინა ივანიშვილის გავრცელებული განცხადების შეფასებისას განაცხადა.
მისივე განმარტებით, ივანიშვილმა თავისი სიტყვა შეასრულა.
,,ბიძინა ივანიშვილმა შეასრულა თავისი სიტყვა. თქვა, რომ 2 წლის შემდეგ საქართველოს სააკაშვილის რეჟიმისაგან გაათავისუფლებდა. მეორე, მან თქვა, რომ 2 წელიწადში პოლიტიკიდან წავიდოდა და წავიდა. მესამე - ბიძინა ივანიშვილი ჩემთვის ყოველთვის იქნება საკითხავი ადამიანი, თუ როგორ, ახლა სატელეფონო ზარებს გაჩვენებთ. რამდენიმე პირის სატელეფონო ზარია შემოსული, ძირითადად არასამთავრობო სექტორიდან. ბოლო ზარი გელა ნიკოლაიშვილსგან იყო, იმის წინ ნანა კაკაბაძემ დამირეკა. თუ ნანა კაკაბაძეს შეუძლია, დამირეკოს და რაღაც რჩევა მომცეს, რატომ უნდა ავუკრძალო ეს ბიძინა ივანიშვილს. რაც შეეხება ბიძინა ივანიშვილის მართვის სტილს, ის იყო პრემიერ-მინისტრი, ჩვენ ყველანი - მინისტრები, მისი მხრიდან არ ყოფილა მცდელობა, რომ სამინისტროს საქმიანობაში ზედმეტად ჩარეულიყო, მოადგილეების შერჩევა იქნებოდა თუ ნებისმიერი სხვა საკადრო გადაწყვეტილება, ან ნებისმიერი რეფორმის გატარება, ის ჩვენ აზრს ისმენდა და გვქონდა მაქსიმალური მხარდაჭერა. ის მინისტრების საქმიანობაში ზედმეტად არ ერეოდა. ზოგჯერ შეიძლება, გვაკლდა კიდეც, რატომ მეტად არ იყო ჩართული. როგორ ფიქრობთ, ადამიანი, რომელიც ასე იქცეოდა პრემიერ-მინისტრის პოსტზე, ახლა წავა და სადმე ჩრდილიდან თავის ქცევას შეიცვლის? ეს ამ ადამიანის ბუნებასა და სტილში არ არის და არ გააკეთებს", - განაცხადა სუბარმა.
