ოთარ ფარცხალაძე მთავარ პროკურორად უკვე დაინიშნა. დანიშვნის განკარგულებას საქართველოს პრემიერ-მინისტრმა ირაკლი ღარიბაშვილმა ხელი უკვე მოაწერა.
,,პროკურატურის შესახებ" საქართველოს კანონის მე-9 მუხლის პირველი პუნქტის შესაბამისად დაინიშნოს ოთარ ფარცხალაძე საქართველოს მთავარ პროკურორად"- ნათქვამია განკარგულებაში.
მთავარი პროკურორის პოსტზე დანიშვნამდე ოთარ ფარცხალაძეს ფინანსთა სამინისტროს საგამოძიებო სამსახურის უფროსის პოსტი ეკავა. მანამდე იგი ფინანასთა სამინისტროს საგამოძიებო სამსახურის საგამოძიებო დეპარტამენტის შიდა ქართლის სამმართველოს უფროსად მუშაობდა. ჰყავს მეუღლე ქეთევან ცქვიტინიძე და 13 წლის შვილი დავით ფარცხალაძე.