ხულოს მუნიციპალიტეტში სოფელ ვაშლოვანში სოციალურად დაუცველი და ეკომიგრანტი ოჯახებისთვის საცხოვრებელი სახლი აშენდება. 18 თვიანი პროექტი 2014 წელს დაიწყება და ის 2015 წელს დასრულდება. საცხოვრებელი სახლი სოფელ ვაშლოვანში 72 ბინიანი იქნება. პროექტი აჭარის ავტონომიური რესპუბლიკის ბიუჯეტიდან 4 მილიონი ლარით დაფინანსდება - აჭარაში სოციალური სახლების პროექტის ბიუჯეტსა და მისი მშენებლობის დეტალებზე პრეზენტაცია აჭარის ფინანსთა და ეკონომიკის სამინისტროს, ქალაქმშენებლობის დეპარტამენტის უფროსმა, ნუგზარ ძნელაძემ, დემოკრატიული ჩართულობის ცენტრში გამართა.
პროექტის მიზნობრიობასა და სამომავლოდ დაგეგმილი ღონისძიებებზე აჭარის ჯანდაცვის მინისტრის მოადგილემ რამაზ ჯინჭარაძემ ისაუბრა. შეხვედრაში მონაწილეობა აჭარის მთავრობის წარმომადგენელმა, აჭარის ა.რ. მუნიციპალიტეტების გამგებლებმა, რეგიონში მოქმედმა არასამთავრობო ორგანიზაციების წარმომადგენლებმა და ექსპერტებმა მიიღეს. პროგრამის პრეზენტაციის შემდეგ, აჭარაში მიმდინარე სოციალური სახლების მიზნობრიობასთან დაკავშირებით დისკუსია გაიმართა.შეხვედრა ბათუმის დემოკრატიული ჩართულობის ცენტრში, ორგანიზაცია „ბორჯღალი"-ს ორგანზებით გაიმართა.
„სოციალურად დაუცველი და ეკომიგრანტი ოჯახებისთვის საცხოვრებელი სახლის მშენებლობის პროექტი" აჭარაში 2012 წლიდან ხორციელდება და მის ფარგლებში: 1) დაბა შუახევში ყოფილი საავადმყოფოს შენობისა და დაბა ქედაში ყოფილი საავადმყოფოს შენობის რეკონსტრუქცია ჩატარდა. 2) ქ. ბათუმში, ტბეთის ქუჩაზე კი ორი ცხრასართულიანი საცხოვრებელი სახლი.