აშშ-ს პრეზიდენტმა ბარაკ ობამამ სენატორებს მოუწოდა თავი შეიკავონ ირანის წინააღმდეგ ახალი სანქციების დაწესებისგან, იმისათვის რათა დრო მისცენ შეთანხმების დასრულებას თეირანთან, რომელიც ბირთვულ პროგრამას ეხება.
თეთრი სახლის ოფიციალურმა წარმომადგენელმა განაცხადა, რომ თუ ირანთან შეთანხმება არ შედგა ირანი ურანის გამდიდრებას გააგრძელებს.
შეგახსენებთ, რომ დღეს ჟენევაში ირანსა და გაეროს უშიშროების საბჭოს ხუთ მუდმივ წევრს შორის (აშშ, დიდი ბრიტანეთი, საფრანგეთი, რუსეთი, ჩინეთი) მოლაპარაკებების ახალი რაუნდი იწყება. მოლაპარაკებებში ასევე მონაწილეობს გერმანია.
